ڤیدیۆکان
لیستی ڤیدیۆکانی ئەم دواییانە
لە یوسفەوە تا مەسیح؛ ساڵانێک بێدەنگی
کاتێک خودا بێدەنگ دەردەکەوێت، بەڵام هەرگیز بێکار نابێت
دوو ماوەی درێژخایەنی چاوەڕوانی: لە یوسفەوە تا موسا، و لە مەلاخیەوە تا مەسیح
ئامانجی:
بێدەنگی خودا بە مانای نەبوونی خودا نییە؛ هەندێک جار کاتێک خودا شتێکی نوێ قسە ناکات، سەرقاڵی ئامادەکردنی قۆناغە بۆ گەورەترین کردەوەی ڕزگاری خۆی.
وە بۆ ئەوەی زیاتر مەسیح-سەنتەری بێت:
لە قۆناغەکانی بێدەنگیدا خودا بەڵێنەکانی لەبیر ناکات؛ مێژوو بەرەو جێبەجێکردنی بەڵێنەکانی ڕێنمایی دەکات.
شوێن پەنجەی خودا لەسەر بەردەکەی ناودەستە، یان لەسەر دڵت؟
ئەوەی شەریعەتی داوە، ڕەحمەتیش دەدات
دەقی سەرەکی: یۆحەنا ٨ :٦–١١
دەقە پشتیوانەکان: دەرچوون ٣١ :١٨؛ ٣٢ :١٥–١٦؛ ٣٤ :١؛ ئەرمیا ٣١ :٣١–٣٣؛ یۆحەنا ١ :١–٣،١٤؛ یۆحەنا ٥ :٢٢؛ ٢ کۆرنسۆس ٣:٣
ئامانجی وتار
ئەم وتارە دەیەوێت پیشانی بدات کە:
- شەریعەت گوناهی مرۆڤ ئاشکرا دەکات، بەڵام ناتوانێت مرۆڤ ڕزگار بکات.
- عیسا لە یۆحەنا ٨ بە شێوەیەکی سەرنجڕاکێش خۆی وەک دادوەری ڕاست و سەرچاوەی ڕەحمەت دەردەخات.
- هاوشێوەیی دەرچوون ٣١ :١٨ و یۆحەنا ٨ :٦– ٨ دەتوانێت ئاماژەیەکی یەزدانناسی بێت بۆ ئەوەی کە عیسا لە ئینجیلی یۆحەنا کێیە.
- مزگێنی تەنها «گوناه مەکە» نییە؛ بەڵکو مەسیح هاتووە بۆ ئەوەی گوناهبار ڕزگار بکات و ژیانی نوێی پێ بدات
- خودا لە پەیمانی نوێدا شەریعەتی خۆی تەنها لەسەر بەرد نانووسێت، بەڵکو لە دڵی مرۆڤ دەنووسێت.
لە یەزدانناسی مەسیحیدا، کولتوور دەتوانێت هەم هەڵگری جوانی و چاکە بێت و هەروەها بەهۆی کەوتنی مرۆڤەوە بە هۆی گوناه توشی کێشە بێت. ڕاپۆرتی لۆزان ویلۆبانک بەتەواوی جەخت لەسەر ئەم خاڵە دەکاتەوە. هەروەها ڕێبازی "کۆنتێکستکردنی ڕەخنەیی"ی پۆڵ هیبێرت پێشنیاری ئەوە دەکات کە سەرەتا لە کولتوور تێبگەین، پاشان لە کتێبی پیرۆز بکۆڵینەوە و دواتر پردێکی لێکدانەوە لە نێوان ئەو دووانەدا دروست بکەین. (بزووتنەوەی لۆزان)
ناونیشانی وتار: کولتوری نەتەوەیی، کولتوری ئینجیلی
کاتێک کولتوورەکەمان لەگەڵ کولتووری شانشینی خودادا یەکدەگرێتەوە
ئایەتی سەرەکی: ڕۆما ١٢ :٢
شێوەی ئەم دنیایە وەرمەگرن، بەڵکو بە نوێکردنەوەی بیرتان بگۆڕێن، تاکو بە لێکدانەوە بتوانن دەریبخەن خواستی خودا چییە، کە باش و پەسەندکراو و تەواوە.
ئایەتە پەیوەندیدارەکان:
کۆلۆسی ٣: ١-١٧؛ ئەفەسۆس ٤: ١٧-٣٢؛ مەرقۆس ٧: ١-١٣؛ یەکەم پەترۆس ١: ١٤-١٦؛ یۆحەنا ١٣: ٣٤-٣٥؛ گەلاتیا ٣ :٢٨.
یەکێک لە پرسیارە گرنگەکانی لۆزان
چۆن لە کولتوورێکی دیاریکراودا بژین و ئینجیل ڕابگەیەنین، بەبێ ئەوەی ئینجیل بشێوێنین یان لەبری ئایینی مەسیحی کولتوورێکی دیکە بناسێنین؟
ئامانجی وتار
مەبەست لەم وتارە ئەوەیە کە باوەردار لە هەر نەتەوەیەک تێبگات:
- مەسیحی بوون بە مانای وازهێنان لە ناسنامەی نەتەوەیەتی نییە.
- بوون بە مەسیحی واتە تەسلیمکردنی هەموو بەها کولتوورییەکانی مرۆڤە بە مەسیح.
- هەر شتێک کە لە کولتوری ئێمەدا جوانە دەبێت لە مەسیحدا بەهێز بکرێت.
- هەر شتێک کە پێچەوانەی وشەی خودایە دەبێت ڕاست بکرێتەوە.
- کۆتا پێوەر نە کولتووری نەتەوەیەتیە، نە کولتووری ڕۆژئاوا، نە کولتووری ڕۆژهەڵاتی ناوەڕاست، بەڵکو وشەی خودا و سیفەتی مەسیحیە.
- ئامانجی ئینجیل “ڕۆژئاوایی”کردنی ئێمە نییە؛ ئامانج بە مەسیحیکردنی ئێمەیە.
هەروەها لۆزان هۆشداری دەدات لەوەی مرۆڤ نابێت کولتوورێکی دیاریکراو لەگەڵ ئایینی مەسیحیدا بناسێنێت؛ هیچ کولتوورێک بە تەنیا هەموو ڕاستییەکانی ئینجیل لەخۆناگرێت و هەموو کولتوورێک خاڵی کوێرانەی خۆی هەیە. (بزووتنەوەی لۆزان)
پێشەکی— “ئێمە تەنها بە کتێبی پیرۆز ناچینە ناو کڵێسا!”
ئێمە کاتێک باوەر دەهێنین، ئایا تەنها دڵمان دەگۆڕێت یان کولتوورەکەشمان دەبێت بگۆڕێت؟
ئێمە تەنها کتێبی پیرۆز لەگەڵ خۆمان ناهێنین کاتێک دەچینە ناو کڵێسا.
ئەم شتانەش لەگەڵ خۆمان دەهێنین:
- خێزان
- غیرەت
- میوانداری
- شەرەف
- ڕێزگرتن لە گەورەکان
- چەمکەکانی پیاوسالاری و مێینەیی
- پەیوەندی لەگەڵ خێزان
- چەمکەکانی تۆڵەسەندنەوە
- چەمکەکانی لێبوردن
- هەڵوێست بەرامبەر ژن و پیاو
- هەڵوێستەکان بەرامبەر بە دەسەڵات
- هەڵوێست بەرامبەر سەرکردەکان
- هەڵوێست بەرامبەر بە پیاوانی ئایینی
- هەڵوێست بەرامبەر بە پارە
- هەڵوێست بەرامبەر دوژمنان
- هەڵوێست بەرامبەر مرۆڤ و ناسنامە
- نەریتی خێزانی
- بیروباوەڕی کۆمەڵایەتی
- پەندەکان
- کلتوری نەتەوایەتی
کەواتە پرسیارە گرنگەکە ئەوە نییەکە:
ئایا ئێمە کولتوورمان هەیە یان نا؟
هەموو کەسێک کولتوورێکی هەیە.
پرسیارەکە ئەوەیە:
کاتێک کولتوورەکەم ڕووبەڕووی وشەی خودا دەبێتەوە، کامیان پێویستی بە گۆڕین هەیە؟
وە وەڵامی کتێبی پیرۆز ئەوەیە:
دەبێت کولتوورەکەمان لە ژێر ڕۆشنایی مەسیحدا چاکسازی بکرێت.
ڕۆشنبیری چییە؟
کولتوور تەنها جل و بەرگ و خواردن و مۆسیقا نییە.
کولتوور بریتییە لە:
- ئەوەی دەیخۆین،
- چۆن بیردەکەینەوە،
- چۆن هاوسەرگیری دەکەین،
- چۆن منداڵەکانمان پەروەردە دەکەین،
- چۆن مامەڵە لەگەڵ دوژمنەکانمان دەکەین،
- چۆن سەیری دەسەڵات دەکەین،
- چۆن سەیری ژن و پیاو دەکەین،
- چۆن ناکۆکی چارەسەر دەکەین،
- چۆن پێناسەی شەرەف دەکەین،
- وە تەنانەت چۆن دەربارەی خودا بیر دەکەینەوە.
کەواتە کولتوور لە قووڵایی ژیانماندایە.
کولتووری نەتەوەیەتیەکەمان؛ نە بە تەواوی نەرێنی و نە بە تەواوی ئەرێنیە
ئێمە ناڵێین “فەرهەنگی نەتەوایەتی خراپە”.
کولتوری نەتەوایەتی کۆمەڵەیەکی زۆر هەمەچەشنە لە کۆمەڵگا، شار، گوند، نەوە، ئەزموونی مێژوویی؛ بۆیە ناکرێ یەک خەسڵەت بۆ هەموو کورد بگەڕێنرێتەوە.
بەڵام دەتوانین باسی هەندێک مەیلی کولتووری باو یان نەخشە کۆمەڵایەتییەکان بکەین و بەراوردیان بکەین لەگەڵ کتێبی پیرۆز.
بۆ نموونە لە لێکۆڵینەوەکان لەسەر کوردستانی ئێران، چەمکی "شەرەف/ناوبانگ" وەک بنیاتێکی کۆمەڵایەتی گرنگ تاوتوێ کراوە؛ لە هەمان کاتدا هەمان لێکۆڵینەوە نیشان دەدات کە ئەم چەمکە دەتوانرێت لە هەندێک چوارچێوەدا بە توندوتیژی و کۆنترۆڵی کۆمەڵایەتییەوە ببەسترێتەوە. بۆیە لە بانگەوازدا دەبێت جیاوازی بکەین لە نێوان بەهای تەندروستانەی شەرەف و کەرامەت و پێناسەی گوناهبارانەی شەرەف (
کاتێک لە کتێبی پیرۆزدا وشەی مار دەبیستین، زۆرجار یەکسەر گوناه، فریودان و شەیتانمان بیر دەکەوێتەوە.
لە باخی عەدەن‌دا مار هاتە پێش ئادەم و حەوا و بە وشەی فریودەرانە پرسیاری کرد:
ڕاستە خودا وتوویەتی...؟
لەوێوە گوناه هاتە ناو ژیانی مرۆڤ.
بەڵام شتێکی سەیر ڕوودەدات.
چەندین ساڵ دواتر، لە بیابان، هەمان وێنەی مار کە پەیوەندی بە مردن و گوناهەوە هەبوو، دەبێتە ئامرازێک بۆ رزگار کردنی ژیانی ئەو کەسانەی بە باوەڕ سەیری دەکەن.
چۆن؟
و لە هەموو سەیرتر:
عیسا ئەو مار برۆنزیە بە خۆیەوە پەیوەست دەکات!
بۆیە ئەمڕۆ دەمەوێت لەگەڵ یەکتر ئەم ڕێگایە ببینین:
لە مارەکەی باخی عەدەنەوە → بۆ ماری بیابان → بۆ خاچی مەسیح → بۆ سەرکەوتنی کۆتایی.
خوشک و برایانی خۆشەویست،
لە ژیاندا هەندێک هەڵبژاردە هەن کە کاریگەرییان تەنها بۆ ئەمڕۆ نییە، بەڵکو دەتوانن چارەنووسی ساڵان و تەنانەت نەوەکان بگۆڕن.
کاتێک کەسێک ماڵێک دەکڕێت، هاوسەرگیری دەکات، یان پیشەیەک هەڵدەبژێرێت، ئەو بڕیارانە کاریگەرییان هەیە. بەڵام گرنگترین بڕیارەکانی ژیان ئەوانەن کە پەیوەندییان بە ژیانی ڕۆحیمانەوە هەیە. هەموومان لە ژیاندا کاتێکمان هەیە کە ماندوو و لاواز دەبین؛ هەندێک جار لە ڕووی ڕۆحی، دەروونی یان لەبەر کێشەکانی ژیان.
بەڵام وشەی خودا پێمان ناڵێت کە لە لاوازییەکەماندا بمێنینەوە، بەڵکو بانگمان دەکات: کە خۆمان بە هێز بکەین. ئەمە هەروەها بانگەوازێکە بۆ کڵێسا، کە یەکتر بەهێز بکەین و یارمەتی ئەوانە بدەین کە کەوتوون تاکو هەلسنەوە.
نووسەری پەیامی عیبرانیەکان لە بەشی ١٢، پاش ئەوەی باس لە تەمبێکردن و پەروردەکردنی خودا دەکات، هۆشدارییەکی زۆر گرنگمان پێدەدات:
ئاگاداربن، نەوەک یەکێک لە نیعمەتی خودا بێبەش بێت.
ئەم وشەیە تەنها بۆ ئەو سەردەمە نەبوو، بەڵکو بۆ ئێمەشە.