سەبارەت بە من
من فردین کریمی لە دایکبووی ساڵی ١٩٨١ لە کوردستانی ئێرانم. هاوکات لەگەڵ خوێندنی ئەکادیمی لە بوارەکانی کارەبا و ژمێریاری، ڕێڕەوی ژیانم بەهۆی باوەڕهێنان بە عیسای مەسیح لە ساڵی ٢٠١٧دا گۆڕدرا؛ باوەڕێک کە نەک تەنها ناسنامەی کەسی منی لە قاڵب دا، بەڵکو ئاراستەی فیکری و یەزدانناسی و خزمەتکردنەکەشمی لە قاڵب دا.
دوای باوەر هێنان، حەزێکی قووڵ بۆ تێگەیشتن لە کتێبی پیرۆز و یەزدانناسی مەسیحی لە مندا پەرەی سەند، ئەمەش وای لێکردم بۆ خوێندنی فەرمی لەم بوارەدا. بە فەزڵی خودا توانیم بڕوانامەی بەکالۆریۆس لە ئیلاهیات لە پەیمانگای Hope Bible Institute لە ویلایەتە یەکگرتووەکانی ئەمریکا بە شیوازی ئۆنلاین وەربگرم و لە ئێستادا چالاکانە خوێندنی ئیلاهیاتم لە زانکۆی Southeastern University لە ئەمریکا بە شیوازی ئۆنلاین بەڕێوەدەبەم.
لە ماوەی ساڵانی خزمەتەکەمدا، شەرەفی خزمەتکردن و هاوکاریکردنم لە چەندین کڵێسای جیاوازدا هەبووە؛ ئەزموونەکان کە دیدگای کڵیسایی و قەشایەتی و کرداری منیان دەوڵەمەند کردووە. لە ئێستادا وەک یەکێک لە ڕابەرانی کڵێسای هیوای هەموو گەلان لە هەولێری عێراق خزمەت دەکەم و سەرنجی سەرەکیم لەسەر فێرکردنی کتێبی پیرۆز و پەرەپێدانی باوەڕداران و بەهێزکردنی کڵێسای ناوخۆییە لەسەر بنەمای فێرکاریەکانی کتێبی پیرۆزە بە شێوازێکی دروست.
ئەو بوارە سەرەکیانەی کە من حەز دەکەم تێیاندا چالاک بم بریتین لە ڕاڤەکاری کتێبی پیرۆز، مەسیح‌ناسی و مێژووی کڵێسا. من پێم وایە کە یەزادنناسی نابێت تەنها وەک زانستی تیۆری بمێنێتەوە، بەڵکو دەبێت ڕاستییەکی زیندوو و کرداری بێت بۆ ژیانی ڕۆژانەی باوەڕداران؛ یەزدانناسیەک کە کڵێسا بنیات دەنێت و باوەڕ قووڵتر دەکاتەوە و قوتابیەکانی مەسیح ئامادە دەکات بۆ ئەوەی بە دڵسۆزی لە جیهانی ئەمڕۆدا بژین.
ئەم ماڵپەڕە بە ئامانجی خزمەتکردنی یەزادنناسی-کڵێسایی، پێشکەشکردنی فێرکارییەکی دروستی کتێب پیرۆزی، و دروستکردنی پردێک لە نێوان یەزدانناسی ئەکادیمی و ژیانی کرداری باوەڕداران دەستیپێکردووە.